ಭಾಗೆವಂತ್ ಹಫ್ತ್ಯಾಚೆಂ ಆಚರಣ್

ಎಪ್ರಿಲ್ 13 ವೆರ್ ತಾಳಿಯಾಂಚೊ ಆಯ್ತಾರ್ ಭಕ್ತಿಪಣಾನ್ ಆಚರಣ್  ಕೆಲೊ. ಉಡುಪಿ ಸೂಪರ್ ಬಜಾರಾಂತ್ ತಾಳಿಯೊ ಬೆಂಜಾರ್ ಕರ್‍ಚ್ಯಾ ಸವೆಂ ಪುರ್ಶಾವಾರ್ ಇಗರ್ಜೆಕ್ ಯೇವ್ನ್ ಸೊಮ್ಯಾನ್ ಜೆರುಜಲೆಮಾಕ್ ಪ್ರವೇಶ್ ಕೆಲ್ಲೆಂ ಘಡಿತ್ ನಿಯಾಳ್ಳೆಂ. ಮಿಸಾಚೆಂ ಮುಕೇಲ್ಪಣ್ ವಿಗಾರ್ ಬಾಪ್  ಚಾರ್ಲ್ಸ್ ಮಿನೇಜಸ್ ಹಾಣಿಂ ಘೆತ್ ಲ್ಲೆಂ.

ಎಪ್ರಿಲ್ 17 ವೆರ್ ನಿಮಾಣ್ಯಾ ಬ್ರೇಸ್ತಾರಾಚೆಂ ಆಚರಣ್ ಮಾ|ಬಾ|  ಐವನ್ ಮಾರ್ಟಿಸ್, ಬೊಲಿವಿಯಾ (ಲ್ಯಾತಿನ್ ಅಮೇರಿಕಾ)ಕ್ ಪಾಪಾಲ್ ಪ್ರತಿನಿಧಿಚೊ ಕಾರ್ಯದರ್ಶಿ ಹಾಣಿಂ ಚಲವ್ನ್ ವ್ಹೆಲೆಂ. ಪಾಯ್ ದುಂವ್ಚಿ ಸೆರೆಮನಿ ವಿಗಾರ್ ಬಾಪಾನಿಂ ಆನಿ ಮಿಸಾಚ್ಯಾ ಅಕ್ರೇಕ್ ಜೆಜುಚ್ಯಾ ಕಷ್ಟಾಂಚೊ ನಿಯಾಳ್ ಬಾಪ್ ವಿಜಯ್ ಡಿ’ಸೋಜಾ (ಪ್ರಾಂಶುಪಾಲ್) ನ್ ಚಲೊವ್ನ್ ವ್ಹೆಲೊ.

ಎಪ್ರಿಲ್ 18 ವೆರ್ ಸಕಾಳಿಂ 9 ವರಾರ್ ಖುರ್ಸಾವಾಟ್, ತೆಗಾಂ ಯಾಜಕ್ ಬಾಪಾಂನಿಂ ಚಲವ್ನ್ ವ್ಹೆಲಿ. ಸಾಂಜೆರ್ 5.30 ವರಾರ್ ಸೆರೆಮನಿ ಬಾಪ್ ಲೀಯೊ ಪ್ರವೀಣ್ ಡಿ’ಸೋಜಾ ಹಾಣಿಂ ಚಲವ್ನ್ ವ್ಹೆಲಿ.

ಎಪ್ರಿಲ್ 19  ವೆರ್ ಸನ್ವಾರಾ ಸಾಂಜೆರ್ 7 ವೊರಾರ್ ಸೆರೆಮನಿ ಉಜ್ಯಾಚ್ಯಾ ಆಶೀರ್ವಾದಾ ಮುಕಾಂತ್ರ್ ವಿಗಾರ್ ಬಾಪಾನಿಂ ಚಲವ್ನ್ ವ್ಹೆಲಿ. ಬಾಪ್ ವಿಜಯ್ ಡಿ’ಸೋಜಾನ್ ಪಾಸ್ಕಾಂಚೆಂ ಗೀತ್ ಗಾಯ್ಲೆಂ. ಮಿಸಾ ಉಪ್ರಾಂತ್ ಶ್ರೀ ಆನ್ಸೆಲ್ಮ್ ಮರಿಯಾ ಡೆಸಾನ್ ಸಕ್ಟಾಂಕ್ ಕೇಕ್ ಪ್ರಾಯೋಜಿತ್ ಕೆಲ್ಲಿ ಆನಿ ಎಕಾ ಹಿತಾಚಿಂತಾಕಾನ್ ಕಾಫಿ ಪ್ರಾಯೋಜಿತ್ ಕೆಲ್ಲಿ.

ಹ್ಯಾ  ದಿಸಾನಿಂ ಸಭಾರ್ ಫಿರ್ಗಜ್ ಗಾರಾನಿಂ, ಲ್ಹಾನಾನಿಂ ಆನಿ ವ್ಹಡಾನಿಂ ತಾಂಚೊ ಅಮೂಲ್ಯ್ ವಾವ್ರ್ ಭೆಟಯ್ಲಾ ಆನಿ ಭಾಗೆವಂತ್ ಹಫ್ತ್ಯಾಚಿ ದೇವ್ ಸ್ತುತಿ ಅರ್ಥಾಭರಿತ್ ರಿತಿನ್ ಆನಿ ಭಕ್ತಿಪಣಾನ್ ಚಲಂವ್ಕ್ ಕುಮಕ್ ಕೆಲಿ. ಫಿರ್ಗಜ್ ಗೊವ್ಳಿಕ್ ಮಂಡಳಿಚ್ಯಾ ಸಾಂದ್ಯಾಂಚೊ ವಾವ್ರ್, ಗಾಯಾನ್ ಮಂಡಳಿ, ದೇವ್ ಸ್ತುತಿ ಆನಿ ಆಲ್ತಾರ್ ಭುರ್ಗ್ಯಾಂನಿ ಬರೊ ಸಹಕಾರ್ ದಿಲೊ.

ಫಾಸ್ಕಾಂ ಫೆಸ್ತಾಚಾ ದಿಸಾ ಆಯ್ತಾರಾ ಸಾಂಜೆರ್ 6.00 ವರಾರ್ ಐಸಿವೈಎಮ್ ಆನಿ ವೈಸಿಎಸ್ ಪ್ರಾಯೋಜಿತ್ ಪಾಸ್ಕಾಗಾಜ್ 2.O ಕಾರ್‍ಯೆಂ ಸಾಧರ್ ಕೆಲೆಂ. ಆಮ್ಚ್ಯಾ ನೆಣ್ತ್ಯುಲ್ಯಾ ಭುರ್ಗ್ಯಾನಿಂ, ಯುವಜಣಾನಿಂ ಆನಿ ವ್ಹಡಾನಿಂ ವಿವಿಧ್ ಮನೋರಂಜನ್ ಕಾರ್‍ಯೆಂ ಚಲವ್ನ್ ವ್ಹೆಲೆಂ. ಸಭಾರ್ ದಿಸಾಂಚಿ ಮ್ಹಿನತ್ ಪರಿಪೂರ್ಣತೆನ್ ಭರ್‍ಲಿ. ಮುಕೆಲ್ ಸೈರೊ ಬಾಪ್ ಸ್ಟೀವನ್ ಫೆರ್ನಾಂಡಿಸಾನ್ ಬರೊ ಸಂದೇಶ್ ದಿಲೊ.

ಹ್ಯಾ ತಿನೀ ದಿಸಾನಿಂ ಆಮ್ಚೆ ಸಂಗಿ ಹಾಜರ್ ಆಸ್ ಲ್ಲ್ಯಾ ಭಾರತಾಚ್ಯಾ ಪಾಪಾಲ್ ಪ್ರತಿನಿಧಿಚೊ ಕಾರ್‍ಯದರ್ಶಿ ಫಾ| ಆಲ್ಬರ್ಟೊ ನಪೊಲಿತಾನೊ ಹಾಂಕಾಂ ಶಾಲ್ ಪಾಂಗುರ್ನ್ ಸನ್ಮಾಲ್ ಕೆಲೊ. ಗೊವ್ಳಿ ಬಾಪಾಚಿ ಹಾಜ್ರಿ ಹ್ಯಾ ಕಾರ್‍ಯಾಕ್ ಸಾಕ್ಸ್ ಜಾಲಿ.