ದುಕಿ ಸಾಯ್ಬಿಣ್ ಫಿರ್ಗಜ್ ಉಡುಪಿ
ತಿಳ್ಸೊಣ್ಯೊ
25.10.2026
1. ಯೆಂವ್ಚ್ಯಾ ಸನ್ವಾರಾಚಿ ದೇವ್ ಸ್ತುತಿ ಚಲವ್ನ್ ವ್ಹರುಂಕ್ ವೆಲಂಕಣಿ ವಾಡ್ಯಾಗಾರಾಂಕ್. ಆಯ್ತಾರಾ ಸಾಂ ಜೂದ್ ವಾಡ್ಯಾಗಾರಾಂಕ್. ದುಸ್ರ್ಯಾ ಮಿಸಾಕ್ ಪಾಂಚ್ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್.
2. ವಾಡ್ಯಾಜಮಾತ್ ಆಜ್/ಫಾಲ್ಯಾಂ ಸಾಂಜೆರ್ 5.00 ವೊರಾರ್:
1. ಸಾಂ ಆಂತೊನ್ ವಾಡ್ಯಾಂತ್: ಆವಿದ್ ಶೈಲಾ ಡಿ’ಸೋಜಾ, 202, ರೋಯಲ್ ಪ್ಯಾಲೆಸ್ ಹಾಂಚಾ ಘರಾ.
2. ಸಾಂ ಜೂದ್ ವಾಡ್ಯಾಂತ್: ಮೆಲ್ವಿನ್ ಪ್ರಮಿಳಾ ಬರ್ಬೋಜಾ, ಹಾಂಚಾ ಘರಾ ಸೊಮಾರಾ 26 ತಾರಿಕೆರ್ ಸಾಂಜೆರ್ 5.00 ವೊರಾರ್.

3. ಆಜ್/ಫಾಲ್ಯಾಂ ಸಕಾಳಿಂ 8.15 ವರಾರ್ ಪಯ್ಲಿ ಥಾವ್ನ್ ಧಾವಿ ಕ್ಲಾಸ್ ಪರ್‍ಯಾಂತ್ಲ್ಯಾ ದೊತೊರ್ನಿಚಾ ಭುರ್ಗ್ಯಾಂಕ್ ಆನಿ ತಾಂಚಾ ವ್ಹಡಿಲಾಂಕ್ ಏಕ್ ಕಾರ್‍ಯಾಗಾರ್ ಆಸಾ, ಸರ್ವಾಂನಿ ಇಗರ್ಜೆ ಭಿತರ್ ವೆಳಾರ್ ಹಾಜರ್ ಜಾಂವ್ಚೆಂ.
4. ಸೊಮಾರಾ 26 ತಾರಿಕೆರ್ ಸಾಂಜೆರ್ 5.00 ವೊರಾರ್ ಆಯೋಗಾಂಚಾ ಸಂಚಾಲಕಾಂಚಿ ಜಮಾತ್ ಆಸಾ. ಸರ್ವ್ ಸಂಚಾಲಕಾನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ. ಯೆತಾನಾ ತುಮ್ಚಿ ಆಯೋಗಾಚಾ ರಿತಿ ಫರ್ಮಾಣೆಂ. ವರ್ದಿ ಹಾಡ್ನ್ ಯೆಂವ್ಚಿಂ.
5. ಸುಕ್ರಾರಾ 30 ತಾರಿಕೆರ್ ಸಾಂಜೆರ್ 5.30 ವರಾರ್ ಆರ್ಥಿಕ್ ಸಮಿತಿಚಿ ಜಮಾತ್ ಆಸಾ.
6. ನವೆಂಬರ್ 10/11 ತಾರಿಕೆರ್ ಆಮ್ಚ್ಯಾ ಫಿರ್ಗಜೆಚೆಂ ವ್ಹಡ್ಲೆಂ ಫೆಸ್ತ್. ನವೆಂಬರ್ 8 ವೆರ್ ಕೊಂಪ್ರಿಚೊ ಆಯ್ತಾರ್. ಫೆಸ್ತ್ ಸರ್ವ್ ಫಿರ್ಗಜ್ ಕುಟ್ಮಾಂಚ್ಯಾ ವಂತಿಗೆ ಮುಕಾಂತ್ರ್ ಕರ್‍ಚೆಂ ದೆಕುನ್ ಹರ್‍ಯೆಕಾ ಕುಟ್ಮಾಚಿ ವಂತಿಗಿ ರು.500/- ವೆಳಾರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರ್ಚಿ. ಮುಡ್ದೊಮ್ ದಿತೆಲ್ಯಾನಿಂ ರು.1000/- ಆನಿ ಫಿರ್ಜೆಂತ್ ರಾವ್ತೆಲ್ಯಾನಿಂ ರು.5000/- ಫಾರಿಕ್ ಕರ್‍ಚೆ, ವಂತಿಗಿ ದಿಲ್ಲ್ಯಾ ಸರ್ವಾಂಕ್ ಫೆಸ್ತಾ ದಿಸಾ ವಾತ್ ದೀವ್ನ್ ಮಾನ್ ಕರ್ತೆಲ್ಯಾಂವ್. ಫೆಸ್ತಾಕ್ ಫುಲಾಂ ಆನಿ ಬ್ಯಾಂಡಾಕ್ ಪ್ರಾಯೋಜಕ್ ಜಾವ್ನ್ ರಾವ್ತೆಲ್ಯಾನಿ ದಫ್ತರಾಂತ್ ತಿಳ್ಸುಂಚೆಂ.
7. ಸನ್ವಾರಾ 31 ತಾರಿಕೆರ್ ಅಕ್ಟೋಬರ್ ಮಹಿನ್ಯಾಚೊ ತೇರ್ಸಾಚೊ ಅಕ್ರೇಚೊ ದೀಸ್. ಹರ್‍ಯೆಕಾ ವಾಡ್ಯಾನಿಂ ತೇರ್ಸಾಚೆಂ ಭಕ್ತಿಪಣ್ ಬರ್‍ಯಾ ಥರಾನ್ ಚಲವ್ನ್ ವ್ಹೆಲ್ಲ್ಯಾ ಖಾತಿರ್ ದೇವ್ ಬರೆಂ ಕರುಂ ಮ್ಹಣ್ತಾಂವ್. ಮರಿ ಮಾಯ್ ಆಮ್ಕಾಂ ತಿಚ್ಯಾ ಗೊಪಾಂತ್ ಸಾಂಬಾಳುಂ ಆನಿ ಸರ್ವಾಂಕ್ ಬರಿ ಭಲಾಯ್ಕಿ ದೀಂವ್ ಮ್ಹಣ್ ಮಾಗ್ತಾಂ.
8. ಯೆಂವ್ಚ್ಯಾ ಆಯ್ತಾರಾ 1 ತಾರಿಕೆರ್ ವಾಡ್ಯಾವಾರ್ ಬೈಬಲ್ ಕ್ವಿಜ್ ಪವಿತ್ರ್ ಪುಸ್ತಕ್ ಆಯೋಗಾಚಾ ಮುಖೇಲ್ಪಣಾರ್ ಮಾಂಡುನ್ ಹಾಡ್ತಾತ್. ವಾಚುಂಕ್ ವಿಷಯ್ ಗುರ್ಕಾರಾಂಕ್ ಎದೊಳ್ ಚ್ಚ್ ಧಾಡ್ನ್ ದಿಲಾ. ವಾಚುನ್ ತುಮಿ ಬರಿ ತಯಾರಾಯ್ ಕರ್‍ಚಿ.
9. ಆಯ್ತಾರಾ 1 ತಾರಿಕೆರ್ ಸಮೇಸ್ತ್ ಸಾಂತಾ ಭಕ್ತಾಂಚಿ ಪರಬ್. ಮಿಸಾಂ ಸದಾಂಚೆಂ ಬರಿಂ ಅಸ್ತೆಲಿಂ.
10. ಸೊಮಾರಾ 2 ತಾರಿಕೆರ್ (ಆಲ್ಮಾಂಚೆಂ ಫೆಸ್ತ್). ಸರ್ ಲ್ಲ್ಯಾ ಸಮೇಸ್ತ್ ಆಮ್ಚ್ಯಾ ಮಾಲ್ಘಡ್ಯಾಂಚೊ ಆನಿ ಸರ್ವ್ ಭಾವಾಡ್ತ್ಯಾಂಚೊ ಉಡಾಸ್ ಕಾಡುನ್ ತಾಂಚೆ ಖಾತಿರ್ ಮಾಗ್ಚೊ ದೀಸ್. ಸಕಾಳಿಂ 6.30, 7.30 ಆನಿ ಸಾಂಜೆರ್ 5.30 ಕ್ ಮಿಸಾಂ ಆಸ್ತೆಲಿಂ. ಸಕಾಳಿಂಚಾ 6.30 ಆನಿ ಸಾಂಜೆಚಾ 5.30 ವರಾಂಚ್ಯಾ ಮಿಸಾ ಉಪ್ರಾಂತ್ ಸಿಮಿತ್ರ್ ಬೆಂಜಾರ್ ಕರ್ತೆಲ್ಯಾಂವ್. ಸಂಬಂಧ್ ಜಾಲ್ಲ್ಯಾನಿ ಆದ್ಲ್ಯಾ ದಿಸಾ 1 ತಾರಿಕೆರ್ ತಾಂಚ್ಯಾ ಮಾಲ್ಘಡ್ಯಾಂಚೊ ಫೊಂಡ್ ನಿತಳ್ ಕರ್ನ್ ದವರ್ಚೊ.
11. ಆಮ್ಚ್ಯಾ ಮೊಗಾಳ್ ಸಹಾಯಕ್ ಯಾಜಕ್ ಬಾಪ್ ಲೀಯೊ ಪ್ರವೀಣ್ ಡಿ’ಸೋಜಾನ್ ಪಾಟ್ಲ್ಯಾ 2½ ವರ್ಸಾ ಥಾವ್ನ್ ಬೋವ್ ಅಪುರ್ಬಾಯೆಚಿ, ಮೊಗಾಭರಿತ್ ಸೆವಾ ಆಮ್ಕಾಂ ದಿಲ್ಯಾ. ನವೆಂಬ್ರಚಾ 13 ತಾರಿಕೆರ್ ಬೆಳ್ವೆ ಸಾಂ ಜುಜೆ ಎಗ್ರಿಕಲ್ಚರಲ್ ಕೊಲೊನಿ ಚೊ ದಿರೆಕ್ತೊರ್ ಆನಿ ತ್ಯಾ ಕೊಪೆಲಾಚೊ ಚಾಪ್ಲೆನ್ ಜಾವ್ನ್ ತಾಣಿಂ ಹುದ್ದೊ ಸ್ವೀಕಾರ್ ಕರುಂಕ್ ಆಸ್ತಲೊ. ತಾಣಿಂ ಆಮ್ಚ್ಯಾ ಫಿರ್ಗಜೆಂತ್ ದಿಲ್ಲ್ಯಾ ಸೆವೆ ಖಾತಿರ್ ತಾಂಚೊ ಉಪ್ಕಾರ್ ಬಾವ್ಡುಂಕ್ ಆನಿ ತಾಂಚಾ ಮಿಸಾವಾಂತ್ ಬರೆಂ ಮಾಗ್ಚೆ ಪಾಸತ್ ಏಕ್ ಮಟ್ವೆಂ ಅದೇವ್ಸ್ ಮಾಗ್ಚೆಂ ಕಾರ್‍ಯೆಂ ನವೆಂಬ್ರಾಚಾ 8 ತಾರಿಕೆರ್ ಕೊಂಪ್ರಿಚಾ ಆಯ್ತಾರಾ ಸಾಂಜೆರ್ ಮಿಸಾ ಉಪ್ರಾಂತ್ ದವರ್ಲಾಂ. ತುಮಿ ವ್ಹಡಾ ಸಂಖ್ಯಾನ್ ಹ್ಯಾ ಕಾರ್‍ಯಾಂತ್ ಭಾಗ್ ಘೆಜಯ್ ಮ್ಹಣ್ ವಿನಂತಿ. ವೈಯಕ್ತಿಕ್ ಥರಾನ್ ಬಾಪ್ ಲೀಯೊಕ್ ಮೆಳೊಂಕ್ ಜಾಯ್ ತರ್ ತುಮಿ ತಾಂಕಾ ದಫ್ತರಾಂತ್ ಮೆಳ್ಯೆತ್.
12. ಆಜ್ ಸಾಂ ಸಿಸಿಲಿ ವಾಡ್ಯಾಚಿ ಗುರ್ಕಾರ್ ಜಾವ್ನ್ ಹುದ್ದೊ ಸ್ವೀಕಾರ್ ಕೆಲ್ಲ್ಯಾ ಶ್ರೀಮತಿ ಮೋಂತಿ ಕ್ಯಾಸ್ತಲಿನೊ ಹಿಕಾ ಅಭಿನಂದನ್ ಪಾಟಯ್ತಾಂವ್ ಆನಿ ಸರ್ವ್ ಬರೆಂ ಮಾಗ್ತಾಂವ್.
13. ಮಿಸಾಂವ್ ಆಯ್ತಾರಾಚಿಂ 800 ಕವರಾಂ ದಿಲ್ಲಿಂ, 360 ಮಾತ್ರ್ ಪಾಟಿಂ ಆಯ್ಲ್ಯಾಂತ್. ಕವರಾಂ ಕೊಣೆಂಯ್ ಪಾಟಿಂ ದೀಂವ್ಕ್ ನಾಂತ್ ತರ್ ಸುಕ್ರಾರಾ 30 ತಾರಿಕೆ ಭಿತರ್ ಪಾಟಿಂ ಹಾಡ್ನ್ ದಿಯಾ .
14. ಪಾಟ್ಲ್ಯಾ ಹಫ್ತ್ಯಾನಿಂ ಮಿಸಾಂವ್ ವಾವ್ರಾ ಖಾತಿರ್ ತುಮಿ ಸರ್ವಾನಿಂ ತುಮ್ಚೊ ಪಾಟಿಂಬೊ ದಿಲಾ. ವಿವಿಧ್ ರಿತಿನ್ ತ್ಯಾಗ್, ಸಾಕ್ರಿಪಿಸ್ ಕರ್ನ್ ದಾನ್ ದಿಲಾಂ ಆನಿ ದಾನ್ ಎಕ್ಟಾಂಯ್ ಕೆಲಾಂ. ಮಿಸಾಂವಾ ಖಾತಿರ್ ಎದೊಳ್ ಪರ್‍ಯಾಂತ್ ಜಮೊ ಜಾಲ್ಲೆಂ ದಾನ್ ಹ್ಯಾ ಪರಿಂ ಆಸಾ:
1. ಕವರಾಂ, ಆನಿ ಇಜ್ಮೊಲ್ ರು. 3,09,425.00
2. ವಸ್ತು ಏಲಂ ರು. 92,000.00
3. Food Festival ರು. 5,77,019.00
4. ದಾನ್ ರು..1,55,000.00
ರು. 11,33,444.00
15. ಭಾಯ್ರ್ ಪೊರ್ಟಿಕೊಂತ್ ತಿಸ್ರ್ಯಾ ಒಡ್ದಿಚೆ ಸಾಂದೆ ದಿಸ್ಪಡ್ತೊ ಬೈಬಲ್ 2027 ವಿಕ್ರಾಪಾಕ್ ದವರ್ತಾತ್. ಹಾಚೆಂ ಮೋಲ್ ರು.275/-.
ವಿಗಾರ್
25.10.2026
1. We celebrate our Annual Feast on Nov.1೦/11. Nov. 8th is Confraternity Sunday. Every family shall contribute Rs. 500/- towards the feast, Mordom charges are Rs. 1000/- and firgenth charges are Rs. 5000/-
2. Sunday, 1 November, is the Feast of All Saints. Masses will be celebrated as usual.
3. Monday, 2 November, is All Souls’ Day, a day to remember our departed parents, relatives, and loved ones and to pray for them. Masses will be celebrated at 6:30 a.m., 7:30 a.m., and 5:30 p.m. The cemetery will be blessed after the 6:30 a.m. and 5:30 p.m. Masses. Those concerned are kindly requested to clean the graves of their departed family members on the previous day, Sunday, 1 November.
4. Our beloved Assistant Parish Priest, Rev. Fr Leo Praveen D’Souza, has rendered dedicated and loving service to our parish for the past two and a half years. On 13 November, he is scheduled to take charge as the Director of St. Joseph’s Agricultural Colony, Belve, and as the Chaplain of its chapel. To express our gratitude for his dedicated service to our parish and to pray for God’s blessings upon him as he begins his new responsibilities, a short farewell programme has been arranged after the Mass on Sunday, 8 November, which is Confraternity Sunday.
5. A total of 800 Mission Sunday envelopes were distributed, but only 360 have been returned. Those who have not yet returned their envelopes are kindly requested to do so by Friday, 30 October.
6. Last week, all of you extended your support for Mission Sunday in various ways. You made generous contributions through your sacrifices, offerings, and donations. The total amount collected so far for Mission Sunday is ₹11,33,444.00.