ಉಡುಪಿ ದುಕಿ ಸಾಯ್ಬಿಣ್ ಫಿರ್ಗಜೆಂತ್ ಕುಟ್ಮಾ ಆಯೋಗಾಚಾ ಮುಖೆಲ್ಪಣಾರ್ ಮಾಲ್ಗಡ್ಯಾಂಚೊ ದೀಸ್ ಆಕ್ಟೋಬರ್ 12 ವೆರ್ ಆಚರಣ್ ಕೆಲೊ. ಸಕಾಳಿಂ 9.15 ವೊರಾರ್ ಸಂಭ್ರಮಿಕ್ ಮಿಸಾಚೆ ಬಲಿದಾನ್ ಭೆಟಯ್ಲೆ.

ಮಿಸಾ ಉಪ್ರಾಂತ್ ಆವೆ ಮರಿಯಾ ಹೊಲಾಂತ್ ಸಹಮಿಲನ್ ಕಾರ್‍ಯೆಂ ಆಸಾ ಕೆಲ್ಲೆಂ.

ಮಾಲ್ಘಡ್ಯಾಂನಿ ಯುವಜಣಾಂ ಸಾಂಗಾತಾ ಆನಿ ಭುರ್ಗ್ಯಾಂ ಸಾಂಗಾತಾ ಕಶೆಂ ರಾವಾಜೆ? ಮಾಲ್ಘಡಿಂ ಯುವಜಣಾಂ ಥಾವ್ನ್ ಕಿತೆಂ ಅಶೆತಾತ್ ಹ್ಯಾ ವಿಶ್ಯಾಂತ್ ಸವಾಲಾಂ ಜಾಪಿ ರೇವನ್ ಡಾಯಾಸ್ ಹಾಣೆಂ ಚಲವ್ನ್ ವ್ಹೆಲೆಂ.

ಉಪ್ರಾಂತ್ ಮನೋರಂಜನ್, ಖೆಳ್, ಮಾಲ್ಗಡ್ಯಾ ಆನಿ ಯುವಜಣಾಂ ಥಾವ್ನ್ ಪದಾಂ, ನೃತ್ಯಾಂ ಆಸಾ ಕರ್ನ್ ಮಾಲ್ಘಡ್ಯಾಂಕ್ ಸಂತೊಸಾಚೆ ಫೆಸ್ತ್ ಚ್ ಆಸಾ ಕೆಲ್ಲೆಂ.

ರುಚಿಕ್ ಜೆವ್ಣಾ ಸವೆಂ ಕಾರ್‍ಯಕ್ರಮ್ ಅಖೇರ್ ಜಾಲೆಂ. ಫಿರ್ಗಜ್ ವಿಗಾರ್ ಮಾ|ಬಾಪ್ ಚಾರ್ಲ್ಸ್ ಮಿನೇಜಸ್, ಸಹಾಯಕ್ ಯಾಜಕ್ ಬಾಪ್ ಲೀಯೊ ಪ್ರವೀಣ್ ಡಿ’ಸೋಜಾ ಆನಿ ಸೈಂಟ್ ಮೇರಿಸ್ ಇಸ್ಕೊಲಾಚೆ ಪ್ರಿನ್ಸಿಪಾಲ್ ಬಾಪ್ ವಿಜಯ್ ಡಿ’ಸೋಜಾ, ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮ್ಯಾಕ್ಸಿಂ ಡಿ’ಸೋಜಾ ಕಾರ್‍ಯದರ್ಶಿ ಆರ್ಥರ್ ರೊಡ್ರಿಗಸ್, ಗೊವ್ಳಿಕ್ ಆಯೋಗಾಚೊ ಸಂಯೋಜಕ್ ಲೋಯ್ ಪಿಂಟೊ, ಕುಟ್ಮಾ ಆಯೋಗಾಚಿ ಸಂಚಾಲಕಿ  ವೀಣಾ ಸುವಾರಿಸ್ ಆನಿ ಸಾಂದೆ ಆನಿ 178 ಮಾಲ್ಘಡಿ ಮೆಳೊನ್ ಸುಮಾರ್ 190 ಜಣಾಂ ಹ್ಯಾ ಕಾರ್‍ಯಕ್ರಮಾಂತ್ ಹಾಜರ್ ಆಸ್ ಲ್ಲಿಂ.