ಲೂರ್ದ್ ಸಾಯ್ಬಿಣಿಚೆಂ ಫೆಸ್ತ್

ಲೂರ್ದ್ ಸಾಯ್ಬಿಣಿಚ್ಯಾ ಮಾನಾಕ್ ದಬಾಜಿಕ್ ಫೆಸ್ತ್ ಫೆಬ್ರ್ರವರಿ 11 ತಾರಿಕೆರ್ ಚಲ್ಲೆಂ. ಲೂರ್ದ್ ಮಾಯೆಚ್ಯಾ ಮಾನಾಕ್ ಉಬಾರ್‌ಲ್ಲ್ಯಾ ಗ್ರೊಟ್ಟ್ಯಾ ಮುಕಾರ್ ಸಾಂಜೆರ್ 5.30 ವರಾರ್ ತೇರ್ಸಾಚೆಂ ಭಕ್ತಿಪಣ್ ಚಲಯ್ಲೆಂ. ಉಪ್ರಾಂತ್ ಎವ್ಕರಿಸ್ತಾಚೆಂ ಬಲಿದಾನ್ ಸಂಭ್ರಮ್ಲೆಂ. ಪ್ರಧಾನ್ ಯಾಜಕ್ ಜಾವ್ನ್ ಹಾಜರ್ ಆಸ್‌ಲ್ಲ್ಯಾ ಮಾ. ಬಾ. ವಿನ್ಸೆಂಟ್ ಕ್ರಾಸ್ತಾ ಹಾಣಿಂ “ಮರಿ ಮಾಂಯ್ ಜೆಜುಚ್ಯಾ ಕಾಕುಳ್ತಿಚೆಂ ಮುಖಮಳ್” ಮ್ಹಳ್ಳ್ಯಾ ಸಂದೇಶಾಚೆರ್ ಶಿಕವ್ಣ್ ದಿಲಿ. ಮಿಸಾ ಉಪ್ರಾಂತ್ ಜಳ್ತ್ಯೊ ವಾತಿ ಘೆವ್ನ್ ಸರ್ವ್ ಫಿರ್ಗಜ್‌ಗಾರಾಂನಿ ಪುರ್ಶಾಂವ್ ಕಾಡ್ಲೊ. ಫಿರ್ಗಜ್ ಯಾಜಕ್ ಮಾ. ಬಾ. ಫ್ರೆಡ್ ಮಸ್ಕರೇನ್ಹಸ್ ಹಾಣಿಂ ಲೂರ್ದ್ ಮಾಯೆಚೆಂ ನೊವೆನಾಚೆಂ ಮಾಗ್ಣೆಂ ಚಲವ್ನ್ ವ್ಹರುನ್ ಪಿಡೆಸ್ತಾಂಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊ. ದಿಯೆಸೆಜಿಚೆ ವಿಗಾರ್ ಜೆರಾಲ್ ಮೊನ್ಸಿ. ಬ್ಯಾಪ್ಟಿಸ್ಟ್ ಮಿನೇಜಸ್, ಸಹಾಯಕ್ ಫಿರ್ಗಜ್ ಯಾಜಕ್ ಮಾ. ಬಾ. ರೊಯ್ಸನ್ ಫೆರ್ನಾಂಡಿಸ್, ಮಾ. ಬಾ. ಲೋರೆನ್ಸ್ ಡಿಸೋಜ, ಮಾ. ಬಾ. ವಿಲ್ಲಿಯಮ್ ಮಾರ್ಟಿಸ್ ಸವೆಂ 400೦ ಜಣ್ ಭಕ್ತಿಕ್ ಹ್ಯಾ ಸಂಭ್ರಮಾಂತ್ ವಾಂಟೆಲಿ ಜಾಲೆ.